Kosovarët besojnë më shumë në krijimin e “Shqipërisë së madhe” në një kohë të afërt.
Sipas sondazhit të “Gallup” rezulton se këtë optimizëm e kanë 48.8% e kosovarëve, kundrejt 25.8% e shqiptarëve, ndërsa të pyeturit në Maqedoni janë në shifrat 41.8%.
Pyetjes nëse personalisht do ta mbështesnin apo jo këtë ide politike, i kanë dhënë përgjigje pozitive 62.8% e qytetarëve në Shqipëri, 51.8% e atyre në Maqedoni dhe 81% e atyre në Kosovë.
Një tjetër pyetje e kësaj kategorie kishte të bënte me idenë se si do të ishte Shqipëria e madhe dhe a do të thoshte kjo, bashkimi i Kosovës me Shqipërinë. 32% e qytetarëve në Shqipëri mendojnë se po, 29% e kosovarëve dhe 6.8% e të pyeturve në Maqedoni.
Një e dhënë e rëndësishme vjen për pyetjen nëse besojnë se Kosova do t’i përkasë Shqipërisë herët ose vonë. 26.7% e qytetarëve të pyetur në Serbi kanë dhënë një përgjigje pozitive për këtë çështje. /LajmiFundit
———
Personalisht mendoj se Shqipëria dhe Kosova do të duhej te funksionojnë si dy shtete të ndara formalisht, por të veprojnë si një shtet në fushën e arsimit (te kemi të njëtat korrikula shkollore dhe unversitare), në fushën e ekonomisë (të largohen taksat për produktet e prodhuara në Kosovë apo në Shqipëri), në fushën e telekomunikimeve (Shqipëria t’i ofroj Kosovës, prefiksin e saj telefonik, domeni .al tani përdoret dhe nga kompanitë në Kosovë), në fushën e shëndetësisë (të kemi të njejtin sistem shëndetësor), kufiri mes të dy vendeve dhe ashtu është formal, bashkëpunim në fushën e sportit, artit dhe kulturës, etj.
Si dy vende të ndryshme formale ne mund të kemi shumë beneficione, psh, do të kemi të drejtën e dy votave në të gjitha institucionet ndërkombëtare, gjë që në shumë raste mund të jetë jashtëzakonisht e mirë se ardhur, etj.
Po ju cfarë mendoni, është më mirë të kemi dy shtete formale të ndara apo një shtet të vetëm?
